Búgin Astanada «KAZAKH INVEST» Ulttyq kompanııasy» AQ-nyń Customer Relationship Management (CRM) baqylaý aqparattyq júıesiniń tanystyrylymy ótti. Sharaǵa Investısııalar jáne damý vıse-mınıstri Erlan Haırov, ulttyq kompanııalardyń basshylary, memlekettik organdardyń ókilderi, ınvestorlar jáne ınvestorlar qatysty.
Sharanyń maqsaty –QR-da ınvestısııalyq jobalardy iske asyrýdyń tıimdiligin jáne baqylaýyn qamtamasyz etý úshin «Aqparattyq Qazaqstan – 2020» Memlekettik Baǵdarlamasynyń sheńberinde KAZAKH INVEST kompanııasy jasaǵan CRM aqparattyq-monıtorıngilik júıesin potensıaldy paıdalanýshylarǵa, ınvestorlarǵa jáne memlekettik atqarýshy organdarǵa prezentasııalaý.
CRM aqparattyq-monıtorıng júıesi - «KAZAKH INVEST» UK» AQ qyzmetkerleri, qazaqstandyq jáne sheteldik ınvestorlar jáne kásipkerler úshin biryńǵaı aqparattyq júıe, ol ınvestorlar, ınvestısııalyq jobalar, óndiristik alańdar jáne potensıaldy ınvestorlardyń aqparattyq suratýlary jóninde tolyq, shynaıy jáne ózekti aqparatty qamtıdy.
Alǵy sózinde KAZAKH INVEST kompanııasynyń basqarma tóraǵasynyń orynbasary Birjan Qaneshev CRM júıesiniń basty mindetteri jóninde áńgimeledi.
«Buryn málimdegenimizdeı, osy jyly biz ınvestısııalyq jobalardy keshendi elektrondyq monıtorıngileýdiń júıesin jasaýǵa kirisken bolatynbyz. 1 qazannan bastap bul júıe jumysyn bastady, sondyqtan búgin biz osy zalǵa múddeli memlekettik organdardyń ókilderin, potensıaldy jáne aǵymdaǵy ınvestorlardy, qarjy ınstıtýttarynyń ókilderin - CRM júıesi qyzyqty jáne jumystarynda paıdaly bolatyn barlyq taraptardy jınadyq», - dep aıtty B. Qaneshev.
Belgili bolǵandaı, Qazaqstan Respýblıkasynyń Memleket Basshysynyń 2013 jylǵy 8 qańtardaǵy № 464 Jarlyǵymen «Aqparattyq Qazaqstan – 2020» Memlekettik Baǵdarlamasy bekitildi, onyń maqsaty aqparattyq qoǵamǵa aýysý úshin jaǵdaılar týdyrý bolyp tabylady.
Baǵdarlamanyń basty mindetteriniń biri - memlekettik basqarý júıesiniń tıimdiligin jáne aqparattyq-kommýnıkasııalyq ınfraqurylymnyń qoljetimdiligin qamtamasyz etý.
CRM jańa júıesi ınvestısııalardy tartý boıynsha prosesti tıimdi basqarýdy, jumystardyń barysyn turaqty monıtorıngileýdi qamtamasyz etetin derektermen kópjaqty almasýǵa múmkindik beredi. Belsendi jobalarǵa, anyqtamalyq jáne marketıngtik materıaldarǵa jalpy qol jetkizý uıymdastyrylady, aqparatpen almasý jáne kelistirý jyldamdatylady.
Basqarma tóraǵasynyń aıtýynsha, el ekonomıkasyn damytýda sandyq tehnologııalar mańyzdy ról atqarady. Eldiń sandyq ekojúıesiniń progressıvti damýy turaqty ekonomıkalyq ósýge, ekonomıkanyń jalpy básekege qabilettiliginiń joǵarylaýyna yqpal etedi.
«CRM júıesin iske qosý KAZAKH INVEST kompanııasynyń eldiń sandyq ekonomıkasynyń iske asyrylýyna salǵan úlesi bolyp tabylady. Berilgen júıe jumys barysyn avtomattandyrý quralyna aınalady. Memleket basshysy Nursultan Ábishuly Nazarbaev atap ótkendeı, Qazaqstanda ınvestorlar úshin bizde barlyq jaǵdaı jasalǵan. Bul turǵyda engizilgen CRM júıesi ınvestısııalyq jobalardy súıemeldeý tıimdiligin kúsheıtý boıynsha álemdik ınvestorlar qoǵamdastyǵy úshin eleýli sıgnal bolady», - dep qosty sóz sóıleýshi.
Sonymen birge B. Qaneshev aldaǵy kezeńge josparlar jóninde aıtty: «Kelesi jyly KAZAKH INVEST kompanııasy sıfrovızasııalaý sheńberinde CRM júıesin Qazaqstannyń memlekettik organdarynyń uqsas júıelerimen biriktirýdi josparlaıdy».
Prezentasııa qatysýshylaryna CRM múmkindikterin jáne júıeni jetildirý potensıalyn usyndy. Sondaı-aq shara sheńberinde CRM-júıesin testileý jáne qyzyqtyratyn suraqtarǵa jaýap alý múmkindigi boldy.